حال القدس "نادر الأسيوطي"

حال القدس "كلمات نادر الأسيوطي"
خاصم لساني الكلام
ومعتش عنده قبول
سأل الكلام ع السبب
نطق اللسان علي طول
قال اللسان ...موجوع
وألمي شرحه يطول
طول عمري سيد كلمتي
ومن فؤادي بقول
لكن يا عالم اللي حصل
بشع قوي ومهول
إزاي كلاب م البشر
تدنس مسري الرسول
تضرب وتقتل عل الملاء
تهدم وزي الغول
ضربت تاريخنا وأصلنا
بالعرض آه وبالطول
ومعتش شئ يهمها
كل العرب مشغول
مشغول بحاله وسكته
والثورة والفلول
نسيتم خلاص قدسنا
باللزمة دا معقول
رخصتوا ف عيون بعضكوا
والبعض صبحوا ديول
طوفان اليهود انتشر
وظلمهم دا سيول
من حق الغولة تتمرع
طول ما الايمان معلول
ويطول دراعها وتتسرع
طول ما اليمين مشلول
اصحم يا عالم والنبي
قبل الأوان ما يحول
قبل التاريخ ما ينعكس
ونصير من المغول
وتصير كلابهم في العلا
وأصير أنا مخبول
بكي الكلام واتوجع
قلبه عايزله غسول
فاق عل الحقيقه واندهش
قال اللسان دا حمول
شايل وساكت كل دا
والظلم مش معقول
م اليوم بنعلن الجهاد
ضد العدو المهبول
وأنا وحروفي للفدا
لو حتي أبات مقتول
حلملم حروفي وأنتقم
ولا أني أبات مذلول
قال اللسان مفتخر
وياك سيف مسلول
لسان سيف بتار
م اليوم صبح مسئول
والقدس شرفنا وعرضنا
وعلي الله القبول
كلمات "نادر الأسيوط

ي"