فكــــــــــــــــــــــــــــــــــــــى قيودك

فكى قيودك كسري الاسوار
واعلنى حبك حرب ونار
دا القلب ليكى باعت رسول
والعمر واقف ف الانتظار
فكى قيودك واحمى الضلوع
دا الحب مانع ماهو ممنوع
ياللى جمالك فاق الاحتمال
العقل رايح ما ناوى رجوع
لو نظرة منك ادفع حياتى
خليها دفعة مش بتتدريج
دانتى هواكى ولانى عاشق
والقلب حاكم من غير تتويج
فكى قيودك وادينى اشارة
يا للى عيونك الفين طيارة
فوق الزمان بدرك العالى
والشعر فيكى لف واحتار
فكى قيودك كسري الاسوار
واعلنى حبك حرب ونار
كان فيه زمان ريتا قديسة
كل القلوب ليه عشاق
لو كنت اقدر احييكى ريتا
واعلن قدامك انى مشتاق
وانصر جيوشك ف الحب قائد
وارمى بنبالك كل الاشرار

بقلم الشاعر/سيد البالوي