ف كل طرييييييييييييييييييييييييييييييييق

صباح الخير يابلادى
يااحبابي ياكل صديق
صباح منشور ع بابي
وأنا بابي ف كل طريق
فتحت الوردة لعيونك
لقيت الورد من لونك
كتير قبلى وغنولك
وأنا شاعر و قولى جريئ
وبتمشى وبتمختر
وبتمايل على نيلك
وبتمنى ف يوم ابقى
ولو دمعه ف منديلك
وتقطفنى بلاد غربة
وتصهرنى سنين فرقه
وتسقينى بحور ملحه
وتيجى بلادى تندهلى
تلاقينى كا عود اخضر
ومكتوبلى متين محضر
وأنا الحاضر بلا دعوة
غريق ومتعلق ف قشايه
على ضيك سهر قلبى
ومن حبك دوى فؤادى
صباح الخير يابلادى
يااحبابي ياكل صديق
صباح منشور ع بابي
وأنا بابي ف كل طريق

بقلم /سيد البالوي