وحشتنا (( لبابا حسنى ))

فينك يابابا وحشتنا

وانت الى ياما ظلمتنا

وياما كتير اهنتنا

بعد ما جيت وسرقتنا

فاتت سنه ولا انت هنا

شفت مصر وهيا بتعيش الهنا

شفت لما الشعب يحيا

شفت لما الكل يضحك

شفت وسط الزحمه فرحه

اه اختلفنا بس عشنا

ما انت كنت سارق حياتنا وفرحنا

ما انت كنت قاتل شبابنا وعمرنا

ما انت كنت ساجن بجبنك حلمنا

وحشنا ظلمك الى جوا القلب باقى

وحشنا صورتك لما فى بدلك تباهى

وحشنا صوتك الى بيهز الكيان

لما تحكى عن مؤامره

عن شباب عاملين مظاهره

عن خيانه عن اجنده

عن شوية قله فاسده

وتنسى ان الدم سال

وتنسى ان الظلم ساد

وتنسى ان العدل غاب

وحشنا كدبك الى اجمل مالخيال

وحشنا يوم ما سبت غزه انت وشوية كلاب

اوعى يوم تقولى انسى

أنسى !َ

ممكن غيرى ينام وينسى

اما انسى ده يوم ما اكون فى القبر منسى

انسى ايه !

انسى ليلة عيد بتحرق الف جثه

ياعم انسى !

انسى يوم ما كنت فى صف الجبان

ما الى خان الدم عمره ما يكون ليه امان

عمرى ما انسى عمرى ما انسى

بس عارف مصر احلى

مصر بكره احلى واحلى

كل يوم بتزيد وتحلى

لما بيضحلها العيال

لما بيضحلها العيال !!!!


ديوانى ثائرين

((ahmed khataby))

والله من وراء القصد