ضحى جبر ضحى جبر

من طرف **المدير العام** السبت ديسمبر 31, 2011 2:34 pm

عيدك ياثورة
كلمات " ضحى جبر"
افتحوا الابواب تعالوا
غمضوا زمن الغشاوة
وافرحوا ؟
وانزل وثور
افتح ميدانك واهتف تعالى
كل اللى خانك هندمره
وانزل ميدانك
من اوله
وفى صفحة بيضه
اكتب معايا
ان الحكاية
كانت فى ثورة
عاملوها مقاولة
وفى المدولة
صرخوا فى وشك
صوت الرصاص
جواك صديد
ومن العذاب متحملين
ومكملين ثورتنا تانى
نرفع علمنا
والرب حامى
وثورة تانى 25
عيد الكرامة والفلاحين
عيد البطولة والكادحين
عيد النصارى والمسلمين
عيد الشهيد والمصابين
عيدك يامصرى
فى الميدان 25
يلا تعالى مد ايديك
نور طريقك من الظلام
واضحك اكيد
وانزل عشان دم الشهيد
عيدك ياثورة من جديد
هنعيد كلام من اوله
نص الطريق هنكمله
مهما اللى قال فينا كلام
احنا شباب نتحمله
عاش الشباب
عاش النسور
عاش الرجولة
من روح بطولة
وثورة تانى 25
كل سنه وانتى طيبة يامصر
كل سنه وانتم طيبين ياثوار
كل سنه وانت طيب ياشهيد
كل سنه وانتى طيبة ياثورة
كل سنه وانتى معانا ياحرية