مساجلة شعرية بين الشاعر مصطفى هاشم والأدبية الشاعرة هناء جودة
صفحة 1 من اصل 1
مساجلة شعرية بين الشاعر مصطفى هاشم والأدبية الشاعرة هناء جودة
من طرف المشرف العام الإثنين ديسمبر 26, 2011 10:24 am
مساجلة شعرية بين الشاعر مصطفى هاشم والأدبية الشاعرة هناء جودة
بمربعات من فن الواو
وكانت في مركز رامتان الثقافي
بمتحف الأديب الراحل
طه حسين
بحضور نخبة من شعراء وأدباء مصر
-----------
البداية
وقبلت منك تحديكِ
لا تقولي ده صعيدي خايف
وأديني جيتك لحديكي
وفي الشعر غيري ما شايف
---
من قبل ما تيجي يا مغرور
وانا كنت عامله حسابك
ويامه الشعر بيغور
وغروره هوا اللى صابك
-------------------
انتى اللى قولتي تعال
والفيس بيشهد عليكِ
وكفاية مكر وتعال
دا الدعوة لسه في ايديكِ
.....
الدعوة دي دعوة احباب
مش مكر وغيظ او تحدي
وبالحب فتحت لك باب
سمي وصلي وعدي
.....
أنا الصقر قالوا عليا
وعرفوني بحري وقبلي
وان كنتى بالود جايا
لبد تنسي اللى قبلي
-----
عاشق و القلب صافى
ولا حد قبلك في بالي
لو كنت ناوي التصافي
قرب وبلاش تبالي
-------
كم مرة اقولك تعالي
يا هناء كفاية غرور
وكفاية كبر وتعالي
مسمعش غير بس غور
------
دانا كنت أهزر معاك
عرفاك عنيد وجسور
ولا انت حبكت معاك
وزعلت من بس غور
-----
سامحيني يا بنت الاصول
خيبتي الظن فيكي
دا العام فيه اربع فصول
وانا عمري فصلته ليكي
____
فرشت لك رمشى تصلى
قلت لى هتوضا تانى
معرفش انا ايه حصل لى
من نظرة رمشك سبانى
____
في رموشى قبلك بنات
من نظرة دابت وماتت
بس النوبادي بالذات
رموشي هي اللى دابت
------
عشقت شاعر و مشهور
لكن عيونه شريده
وعزولى هيموت مقهور
لما اقوله شريه ده
-----
يا هناء كلامك عجبني
وكأنه من شعر شوقي
وجمال حروفك جربني
لخبطلي قلبي وشوقى
------
البنت بيضا و شقرا
بيقولوا عشقنا الشاعر
وهو اللى عامل بيقرا
مشغول بيغزل مشاعر
------------
على فين قوليلي راحين
عشان اعرف امشى معاكي
وافرشلك الدنيا رايحين
ولا انتى رامية بلاكي
------
اعشق براحتك و شَكِلْ
للبيضه و السمرا ميل
حلو الغرام المشكل
بكره تقع يا جميل
-----------
هناء قالتلي هتوقع
حتى ولو كنت شاطر
متعرفش إني مَوقع
ألفين هناء في المخاطر
------
بحر الصبايا غويط
ياللى انت غاوى تعومه
بس اوعى قلبك يشيط
لو سبته يغرق في نومه
--------
بحر الصبايا دا كداب
ولا عمره للسر حافظ
ولا عمره حافظ على اصحاب
حتى اسألي عمي حافظ
-----
طلبت تسبح في بحري
وهناء بحورها غويطة
وايش جاب قبلي لبحري
وخيفاها تختم بعيطه
-------
قبلي النجوم والشمس
على الراس تبعد بشبرين
وبحري مفيش غير الهمس
وهناء وشوشو وشرين
--------
طيب تعالي سامحني
وبالحب همد إيدي
وكفاية لوم وصارحني
حتى برسالة ف بريدي
----
قالت سامحنى وصارحني
لاحسن هيشمتو فينا
وكفاية بعدك جرحني
سماح يا ستي اكتفينا
-----------------
المشرف العام- مشرف عام الموقع
- عدد المساهمات : 18
تاريخ التسجيل : 16/12/2011 -
مواضيع مماثلة» ترنيمة حزن
» أمل . بقلم مصطفى هاشم
» مش هو ده نيلك . بقلم مصطفى هاشم
» أنا مش جبان . بقلم مصطفى هاشم
» على كيِفك . بقلم مصطفى هاشم
» أمل . بقلم مصطفى هاشم
» مش هو ده نيلك . بقلم مصطفى هاشم
» أنا مش جبان . بقلم مصطفى هاشم
» على كيِفك . بقلم مصطفى هاشم
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى