قلبي قفل بابـــــــــه .الشاعر مصطفي هاشم

خلينا أصحاب يا سييد الكل. وسيبِ الحب لصحابه
ولا أعــــــاتب ولا تعـــــاتب. ولا تسألني ايه صابه

خلاص قلبي قفل بابـــــــــه
خلاص قلبي قفل بابـــــــــه

رسمتك شمس وعليتك . كتبتك غنوة غنيتك
عملتك قصة وحكيتــك . بنيت لك بيت ولقيتك

بتقفـــــــــلي كل أبوابـــــــــه
خلاص قلبي قفل.؟ .. بابــه

وليه نزعل ونتخاصم . وليه في البعد نتقاسم
ولا تحلف ولا تقاسم . قرارنا لبد يكون حاسم

ونبقى أصحاب وده أفضل
وقلبي يقــــــــــــفل أبوابه

جراحي سببها أحبابي . سألني قلبي أيه باقي؟
كرهت الحب وأشواقي . ولهفة فيا وعـــــذابي

ياريت يا قلبي تنسى الحب
وتقــــــــــــــفل كل أبوابه

عجبت لشخص كان دباح . يقول انهُ ضـــــميره أرتاح
وهو لحبي كان ســـــفاح . بقى مداوي وطبيب جراح

لا يا سيدي خلاص ارتاح
وانا قلبي قفل.؟ .. بابـــه

يقولي إمتى كنت معاك . وأمتى قلبي كان يهواك
ولا حبك ولا تمـــــناك . بلاش تحلم بشئ يعلاك

أنا المحقوق لك أسف
وقلبي خلاص قفل بابه

انا اللى زييي يستاهل . لأني كنت بتساهل
وكنت فاكرها بالساهل . أتاريني أنا جاهل

وأهو الجاهـــل . قفل بابه
خلاص قلبي قفل بـــــــابه
خلاص قلبي قفل بـــــــابه