((سلميه )) من ديوانى ثائرين

من طرف AHMED KHATABY الإثنين ديسمبر 26, 2011 12:17 am

قتلونا وقالوا سلميه

ووصفونا ببلطجيه

وقالوا عليا يامصر عميل

وقلبى بيبكى وهو عليل

ايوه عميل لتراب اوطانى

ايوه عميل بصنع امجادى

ايوه عميل والحق فى صفى

عمرك شفت عميل بيغنى

شفت عميل بيضحى بنفسه

شفت الدم بيسيل من جسمه

شفت الفرحه بطلقه فى قلبه

شفت الزفه وقت جنازته

اسال نفسك يالى بتفتى

مين باع عرضك مع ارضك

ومين سرقك بعد مازلك

ومين حرقك ليلة عيدك

لسه بتسال نفسك ولا

هو الحق فى وجه مقارنه

بين عابد للكرسى ما خلا

وبين من جاب حريه بضيه