أنا الرئيس المحتمل . بقلم مصطفى هاشم

من طرف مصطفى هاشم الإثنين ديسمبر 19, 2011 9:26 pm

أنا الرئيس المحتمل
.......................
انا الرئيس المحتمل يا أهل البلد
أصل البلد سابت وعايزلها ولد

أيها الشعب اللي عايش في الطابور
انتهى زمن الأغاني عن العبور

من النهرده كل أغانينا جديدة
هنغني للتحرير وللثورة المجيدة

والقرارات الجديدة اسمعوها
بس أوعوا بجد مني تصدقوها

أصلي هوعدكم وعود ملهاش أساس
واهى دعاية في انتخابات الرئاس
....
هرخص الاسعار وخليها بلاش
والعيش هيوصل للبيوت ما يهمناش

ومرتب الصييع هَيبقى عشر تلاف
يدوب يكفي حشيش وبيرا أو خلاف ؟
......
والمسن اللى ما متشي وعاش حزين
هنمد عمره من خمس لـعشر سنين
ينعم ويتنعم ويسكن في الحسين

والأرملة ما تعولشي هم في عهدنا
هنصرف لها عريس وشيك من عندنا
عضو ائتلاف من حزب يخلف ربنا

ولكل بيت عربية نبرا وغسالات
فول أوتوماتك غير معونة التلاجات
واللبس مجاني حديث الموديلات

وشامبوهات وإكسسوارات ومجوهرات
مجاني من أجمل حكومة للبنات
والمدارس كلها تصبح لغات

ولكل طفل بيتولد فيلا وشاليه
وحسابه جاري كل شهر الفين جنيه
والمعوق غصب عني اعطف عليه

والسادة ثوار الميدان يتمنوا أيه
كل طلباتهم مجابة قبل جمعة لاء وليه
وكل صبح الشعب هنبوسه في أيديه

ومرتبتنا أقلها شوفوا هعمل أيه
دخل الموظف كل عام مليون جنيه
من غير رشاوي مرتبه يوصل إليه

هوا دا برنامجي وأهو بين ايديكم
وبصراحة كل ده بكذب عليكم
لأنه مال الدنيا مش هيكفي ليكم

بس لو حبينا بعض عشان بلدنا
والسودة صبحت بيضا في أسواق بلادنا
والأمانة والانتماء أصبح شعارنا

والقبطي ويا المسلم ونعلم ولآدنا
أيه معنى كلمة انا بحبك يا وطنا
كل ده هنحقققه وتنعم بلدنا
كل ده هنحقققه وتنعم بلدنا

من طرف **المدير العام** الأحد ديسمبر 25, 2011 9:17 am

أنا الرئيس المحتمل . بقلم مصطفى هاشم 109727.imgcache

جداه وجدود

أنا الرئيس المحتمل . بقلم مصطفى هاشم

أنا الرئيس المحتمل . بقلم مصطفى هاشم

رد: أنا الرئيس المحتمل . بقلم مصطفى هاشم