من الصعب ( الشاعر مدحت عطية )

من الصعب

من الصعب

ألقى الحق جبان

يخاف .. ويموت عطشان

والظلم صوته يعلى

يلقى ودان .. وودان

من الصعب

ينام الكره فى قصور

ويحميه سور .. ورا سور

والحب إن عاش تلقاه

مدارى بين الجحور

يتمنى يعيش بقليله

يتمنى حتة نور

من الصعب

لسانى يقول الصدق

ألقانى وسط القبور

أكدب وأقول الكدب

ألقى لكلامى حضور

وإن قولت إخلص يا ولدى

قالوا أبوك مخمور

من الصعب

أبنى بقلبى حصون

أحق .. والحق أصون

ألقى فى زمانى المعنى

سجن .. وفيه مسجون

قبر .. وتحته مدفون

من الصعب

ألقى فى طريقى سدود

وتعلى قدامى جدران

تكبرأحزانى

وينسى همى .. الغفران

ألقى نهارى بيتمرجح

وليلى فى عزه .. سكران

وأنسى فى الدنيا الفرحه

وتصاحب الضحكة الأحزان