النوّنوة ....... أشرف البنا

من طرف ashraf الأحد يناير 15, 2012 3:37 pm

النوّنوة

ناو... ناو … ناو.. ناو... ناوناوونا
اللي تاهوا
و توهونا
ناو... ناو … ناو.. ناو... ناوناوونا
هما ليه بيخوفونا
ناو ... ناو.. نومومنا
و نسيوا حتي
يصحصحونا

هاو .. هاو ..هاو .. هاو... هاوهاوونا
مشينا وراهم
غرقونا
هاو .. هاو ..هاو .. هاو... هاوهاوونا
اتجمعنا
و فرّقونا
هاو .. هاو ..هاو .. هاو... هاوهاوونا
قالوا ازاي هيسكتونا
غير بمحاكمة
لعز و عادلي
اللي خربوا بيت أبونا

ماء... ماء... ماء.. ماؤونا
احنا ف ساقيه
و لا طاحونة
ماء... ماء... ماء.. ماؤونا
كنتوا معانا
ليه بعتونا
ماء... ماء... ماء.. ماؤونا
سرقوا فلوسنا
و جوعونا
ماء... ماء... ماء.. ماؤونا
يا لمونة
دوّخونا
لأجل حقوقنا
مش معونة

كاك.. كاك... كاك ...كاوونا
أكلوا البيضة
و جم ياكلونا
كاك ... كاك...كاك .... كاوونا
واللي بنارهم
ياما شاوونا
كاك ... كاك...كاك .... كاوونا
قامت ثوره
ع اللي خانونا

صو صو... صو صو.... صوصوونا
قطعوا عيشنا
و حيرونا
صو صو... صو صو.... صوصوونا
نتفوا ريشنا
و طيرونا
صو صو... صو صو.... صورونا
صوره باهتة
مش مفهومة
صو صو... صو صو.... صوصوونا
هما راح ياخدوا البراءة

واحنا واخدين الصابونة

أشرف البنا