انا الثورة المضادة ياشعب

من طرف ضحى جبر الأربعاء يناير 11, 2012 1:07 pm

انا التحرير

انا العزة...
انا التغيير

انا الروح اللى ماتت

غدر

فى وسط الظلمة والتغيير

انا الثورة انا التحرير

انا صاحب سلاح فتاك

وصاحب رمز للاحباب

وياما ثورت للاغراب

لاجل ما نطلع سوى

للنور

انا ثورة بدون قائد

واسم الله على جبينى

وعلم مصر يرفرف فوق

يشيل الغمه من عينى

ولو انت صحيح مغلوب

تعالى هلل
لضميرى

اللى كان صاحى فى عز البرد

وبقلها بجد" واسالنى "

18 يوم فاتوا عليك

وانا بهتف

عشان الافعه تتكتف

وبعد ما سقطت الافعه

لاقتنى وحدى متكتف

وانا الجانى

قصاد الشعب والمجلس

واعوانهم واصحابهم

وكل عميل عشان مجلس

وصاحب كرسى للمجلس

ويبقى عبد للمجلس

وتتدبس بانك شر

عشان صاحب هدف حر

قلم حر .. حقيقة تتقلب للمر

تصحى يوم لحماسك

تلاقيك ايوة ضد الكل

وبالكلمة ادونها

عشان الثورة تسمعنى

وتعرف ان انا عاشقك

ومافيش شىء يمنعنى

بانى اكون انا الجانى

عشان اهتف واذيل الظلم

وانا ثورى مانيش خسيس

انا مصرى وجذرى نضيف

انا عاشقك وبستشهد

ولا دمى عليكى رخيص

ومهما يقولوا ويقولوا

انا مصرى وقصدى شريف

انا ممول وليا اجندة

ومبدئى انى ليا هتاف

وعشان انى رفضت اعيش

بمليون وش واكون
غشاش

يقولوا عليا اولادك بانى عميل

وانا زيك مانش طالب

غير التغيير

فى بلدى الاولى فى كفاحك

ورمز الخير

والون جلدى واعبر ظلمى لسفنتى

عشان ابقى صاحب فرصة

على روح الشهيد الحق

انا ثورة مضادة ياشعب

انا ثورة من التحرير

سكت كتير عشان اسكت

وانسى ان ليا حقوق

واميل لعجلة الانتاج

وتعطيل الامور بالذوق

ولو مزنوق اكون ثورة

مضادة ياشعب

مابين تحرير وعباسية

مابين مجلس وبلطجية

مابين وهم وحلانجية

مابين وبين وبين

مانا ثورة مضادة ياشعب

مانا عصابة الحرامية

سيناريو يادوب

شايف نفسى فى فيلم قديم

عشان ميت بشرف وضمير

ويقولوا عليا وانا ميت

بانى عميل

عميل ازاى وانا ثائر

عميل ازاى وانا مصرى

عميل ازاى وانا بملك

سلاح تغيير

انا ثورة مضادة ياشعب

انا مصرى

ونازل تانى على التحرير