آهات وشجن********************

مصر ف خير رغم الخوف
وكل الخوف من دا الخوف

نعشق خوف ونكره خوف
ونمشى ف خوف ونتغطابه

جوه العتمة شجرة نور
وبعد الثورة وطن مكسور

راح الغد وجه امبارح
واللى نهبنا قاعد فارح

طالع راكب نازل راكب
اخدو مراكب شعب بيغرق

شعب بيعرق حاله بيحرق
ابو الثورة واللى جبوها

واللى قلوها عيش وكرامه
صوت وغرامه الله معانا

هو يعينا عاللى بلانا


كنا بنشحت لقمة بلقمة
بقينا بنعشق شكل القمة

بقينا بنلعن شكل الاما

هى بلدنا زى ماهيه
قالوابهانه قالوا بهيه

تصحى ابيه ومتعافيه
مصرف خير بس النية


قلبى وقلبك لو يتصالحوا
راح نلقيها مستنيه


تعرق تحرق كل الظلم
تبكى تروى بذرة علم

تضحك تفتح باب للغد
تصرخ تشرخ قلب الغدر

ترجع قوة بعد الهزل
تعرف ايمته ساعة الجد

بقلم/سيد البالوي