قصيــدة .. ( سلطانه .. من غير سلطنه )

من طرف وليد العشرى الأربعاء يناير 18, 2012 12:53 am

قصيــدة ..( سلطانه من غير سلطنه ) شعر / وليد العشرى 01062187387
انتى المنى .. انتى أنا .. انتى سبب كل الهنا
انتى غنّـيــــــوه رقيـــقه ..
فى زمان مافيهوش غنا
أحســن مسكّــن آخده ضد العكننه
... إنتى بذور الحب .. تحضنــها أراضى الخيــر ..
تطرح على كل البشر ........ فرح وهنا
انتى فراشه بدون زهـــــــــور ..
طيــر .. بس مش زى الطيور ..
سلطانه .. من غير سلــــطنه
انتى اللى غيّــرتى اللى فيّـه بالحنان ..
وياريت كماااااااااااااااااااااااان .... يا حنيّـنه
روحى بقت زى الملااااااااااك ..
لكن هناااااااااااااااك .. قدّام عنيكى ..
تبقى آخر شيــــــــــــــــــــطنه
انتى دموع ساعة الفــــرح
واللى جرح .. واللى انجرح
وانتى ساعات الشوق .. وأيّـامه ..
وشهور غرام كل الســــنه
وف وسط رمل الغربه .. أجمل سوســـنه

ضمّــينى جوّه عيونك الحلوه .. افركيـــهم ..
نزّلينى فى الهوا .. واتنفّـسينى ..
دخّـلينى للرئه .. أمشى ف عروقك ..
لمّــا أوصل جوّه قلبك أحضــنه .. وأموت أنا